Esta cámara pódese usar tanto para sacar fotos como para gravar vídeos. Podes cambiar rapidamente entre a cámara dianteira e a traseira, modificar a ruta para gardar ou limitar a resolución. Hai outros moitos axustes dispoñibles que o farán máis persoal se cabe e adaptado ás túas necesidades. Algúns deles son:
O flash pode activarse e desactivarse ou usalo como unha lanterna. Podes ampliar e reducir ou alternar cara a unha imaxe horizontal cos dedos mentres sacas fotos.
Podes cambiar a resolución, calidade ou proporción premendo unhas poucas veces, tanto para fotos como para vídeos.
Despois de sacar unha foto, verás unha miniatura dela, que premendo nela lévate a abrila na Galería. Verás unha indicación clara de cando a foto se está capturando, garantindo que o ficheiro se gardou.
Se queres iniciar esta cámara premendo no botón da cámara do teu dispositivo/hardware, terás que desactivar a compilación no aplicativo da Cámara en Axustes -> Aplicativos -> Cámara -> Desactivar.
No caso de que prefiras calidade por riba da velocidade, podes activar unha opción para enfocar sempre a cámara antes de sacar unha foto para que teñas a certeza de que o resultado vai saír ben.
Pódelo configurar para usar os botóns de volume como obturador ou activar a lanterna por defecto ao inicio.
Ten outros múltiples axustes relacionados co son do obturador, flash, metadatos da foto, calidade da foto, etc. A ruta da foto pode personalizarse; así, podes decidir onde queres gardar os teus ficheiros multimedia. Dá soporte tanto ao almacenamento interno como á tarxeta SD.
E, por último, ten un deseño material e tema escuro por defecto, fornece unha boa experiencia de usuario ao ser fácil de usar. Ao non ter que acceder a Internet, tes máis privacidade, seguridade e estabilidade que outros aplicativos.
Non ten publicidade nin permisos innecesarios. É de código aberto na súa totalidade e ten cores personalizables.
