Mastodon é a rede social descentralizada máis grande de internet. Non é unha soa web, é unha rede de millóns de persoas en comunidades independentes que poden interactuar entre elas, sen problema. Sexan cales fosen os teus intereses, podes atopar persoas comentando ese tema en Mastodon!
Únete a unha comunidade e crea un perfil. Atopa e segue a persoas interesantes e le o que publican, nunha cronoloxía limpa de publicidade e ordenada. Exprésate usando emojis personalizados, imaxes, GIFs, vídeos e audio con publicacións de 500 caracteres. Responde aos fíos e promove publicacións doutras persoas que creas relevantes. Atopa novas contas e segue os cancelos en voga para facer medrar a túa rede.
Mastodon está creado pensando na privacidade e seguridade. Decide con quen compartes as túas publicacións, só coas seguidoras ou persoas que mencionas, ou con todo o mundo. Os avisos sobre o contido permiten agochar contido sensible ou material que podería crear ansiedade ata que estás preparada para velo. Cada comunidade ten as súas normas e a moderación coida da seguridade das persoas da instancia, con ferramentas para denunciar e bloquear e así evitar abusos.
Mastodon é unha organización rexistrada sen ánimo de lucro cuxo desenvolvemento está financiado por doazóns. Non hai publicidade, nen monetización, sen inversións de capital risco, e pretendemos seguir así.
